Despois dunha dura tempada, recomezamos o filme e voltamos a escribir neste blog, o blog de todas/os.
Como algún de vós seguro que non coñecedes o que pasou, facemos unha pequena relación dos feitos que supoxeron un tempo de reflexión no proxecto:
A finais de xuño cedín o disco duro con todas as escenas filmadas até ese momento (un 70-80% do total da filmación) á directora. Nese disco duro estaban tamén outras gravacións que incluso non tiñan nada que ver co filme.
Dende principios de xullo sospeitei que a directora non quería devolver o dito soporte, porque ante os repetidos requerimentos para que así o fixera, negábase. Polo se confirmou un puro secuestro do gravado até a data.
Convocada unha reunión, presentouse sen o disco duro e cun contrato que pretendía que asinásemos tanto a Anpa como eu, e no que en xeral as cláusulas se referían a un control case absoluto da producción pola directora, abrindo a porta a cobrar pola edición (montaxe) do filme. Cando en todo momento por parte do presidente da Anpa e eu mesmo se lle dixo que non había diñeiro para pagar nada.
A día de hoxe, o disco duro que é da miña propiedade sigue retido de forma ilegal por parte desta muller, polo que xa foi requirida a nivel legal, advertíndolle que de non devolver o disco duro nos próximos días terá que responder por un delicto de apropiación indebida do art.252 do Código Penal, ou o tipo que corresponda.
Á vista dos feitos Ticiana Ghiglione Darriba está completamente fóra deste proxecto. A razón non é outra que ter malversado a confianza depositada nela, por secuestrar o producto elaborado por todas/os para conseguir un beneficio propio. Usou as imaxes como refén para obligarnos a aceptar as súas condicións. É impresentábel esta actitude, pois nunca a Anpa por medio do seu presidente e máis eu nos negamos a falar de calquera tema referido ao filme.
Entendo que todo o anterior é pasado, unha das vicisitudes que soportou este proxecto. Hoxe, o novo presidente da Anpa comunicoume que a Xunta directiva decidiu non continuar na producción do filme, pero que cede a cámara para continuar coa filmación até finalizar.
Agradezo á Anpa, e principalmente ao presidente Manuel Álvarez Álvarez todas as deferencias que tiveron co filme e comigo, que valoro en grande medida.
Agora estou falando cunha asociación cultural sen ánimo de lucro para que dé cobertura legal ao filme. Nos próximos días agardo poder confirmar un acordo.
A partir de agora van cambiar algunhas cousas, como que as convocatorias se farán por correo electrónico, haberá enderezo de correo electrónico da película, posíbelmente unha páxina no facebook...
O que non cambia é o guión (só algunhas cousiñas que se indicarán, coa suficiente antelación), e hai que voltar a gravar todas as escenas, algo que semella doado despois da "práctica" anterior.
Por suposto, os papeis seguen sendo para as/os mesmas/os intérpretes, agás que algunha persoa ou familia quera deixalo, aquí todo é voluntario, incluida a entrada e a saída.
Desculpade este periodo de silencio, e agardo que continuedes axudando a facer "Puido ser".
Grazas, Xan M. Pérez Nartallo
estoy de la parte de la directora esta pelicula no tiene futuro
ResponderEliminarjajaja muy cierto
EliminarLástima no conocer la otra versión. Me habría gustado saber cómo ve ella todo esto y que nos pudiera explicar qué reclama exactamente. Duarte no participará esta vez. Un saludo.
Eliminar